ЭЭХ-3

Ээлжит хичээлийн хөтөлбөр

Сэдэв: Хайлтын систем, ажиллах зарчим

Зорилго: Хайлтын системийн тухай мэддэг болно. Мөн интернэтээс мэдээллийг оновчтой түлхүүр үгээр хайлт хийж чаддаг болно.

Зорилт:

·         Хайлт хийх түлхүүр үгийг зөв тодорхойлож сурах

·         Мэдээллийг интернэтээс оновчтой хайж сурах

·         Хайлтын систем болон ажиллах зарчмын  талаар ерөнхий ойлголттой болох

·         Хайлтын системийн үндсэн хэсгүүдийг мэдэж авах

Судлах цаг: 40 минут 

Хамрах хүрээ: Ерөнхий боловсролын 12 жилийн сургуулийн 9-р анги

Хэрэгцээ, шаардлага:

·         Нийгмийн шаардлага: Хайлтын системийн талаар мэддэг, оновчтой түлхүүр үгийг ашиглаж хайлт хийж чаддаг хүнийг шаардана.

·         Хувь хүний шаардлага: Хайлтын системийн талаар мэддэг, мэдээллийг оновчтой түлхүүр үгээр, түргэн шуурхай хайлт хийж чаддаг байх хэрэгтэй.

Арга зүй буюу зохион байгуулах хэлбэр:

·         Урамшуулах ( үгээр, үйлдлээр )

·         Харилцан ярилцах

·         Асуудал шийдвэрлэх арга

Хэрэглэгдэхүүн:

Багшийн хэрэглэгдэхүүн:

Ээлжит хичээлийн хөтөлбөр №3, компьютер, проектор, сурах бичиг ( 67-70-р хуудас ), үзүүлэн ( прэсэнтэйшин слайд), ТӨМ, самбар, шохой,  интернэт

Сурагчийн хэрэглэгдэхүүн:

Дэвтэр, үзэг, сурах бичиг, компьютер, интернэт

Хичээлийн явц:

№	Хичээлийн үе шат, хугацаа	Багшийн үйл ажиллагаа (Б) Сурагчийн үйл ажиллагаа (С)	Багшийн анхаарах зүйлс
1	Сэдэлжүүлэх үе шат 3минут	Мэндлэн Б: кэйс- Чингүүн хөлбөмбөгийн баг, тамирчдын зураг цуглуулж, тэмдэглэл хөтлөх хоббитой. Гэвч интернетээс олсон зургууд хэт олон байдгаас сонголт хийхэд хэцүү байв. Чингүүн хэрэгцээт мэдээллээ хэрхэн олж авах вэ? С: хайлт хийх үгээ дэлгэрэнгүй бичих, оновчтой түлхүүр үг хэрэглэх гэх мэт хариулна.	Хариулахгүй тохиолдолд: Та нарт ийм асуудал тулгардаг уу? Хэрхэн шийдвэрлэдэг вэ?
2	Шинэ мэдлэг олгох үе шат 20минут	Асуудал дэвшүүлэх: Та нарт ийм асуудал тулгардаг уу? С: Тийм , олохыг хүссэн мэдээлэл гарч ирдэггүй, тухайн үг орсон бүх мэдээлэл гарч ирдэг, холбоо үг хайхад нэгнийх нь л мэдээлэл гарч ирдэг гэх мэт хариулт өгнө. Б: Сурагчдын хариултыг сонсоно. Хичээлийн зорилго, зорилтыг танилцуулана. Асуудлыг шийдвэрлэх: Б:Мэдээллийг интернетээс оновчтой хайлт хийхийн тулд хайлт хийх түлхүүр үгийг зөв тодорхойлох хэрэгтэй. Хайлт хийх түлхүүр үгийг хэрхэн зөв тодорхойлох тухай ярилцан	Хэрвээ үгүй гэж хариулбал: Та нар хэрхэн оновчтой хайлт хийдэг вэ? хүссэн үр дүнгээ гаргаж авч чаддаг уу? Гэж асууна. Ярилцана.
3	Бататгах үе шат 10минут	Хайлт хийх түлхүүр үгүүдийг зөв тодорхойлж туршиж үзэх. Дээр ярилцсан түлхүүр үгийн тайлбарыг хайлт хийх өөрсдөө туршиж үзнэ. Хайлтын өөрчлөлтүүдийн тайлбарыг өөрийн үгээр бичнэ.\дасгал1-ийг ажиллана.	Дасгалыг хэрхэн хийх тайлбар өгнө.
4	Үнэлгээ 3минут	Бататгах үе дээр хийсэн дасгал1-ийг үнэлэн. Тайлбар зөв бол хайлт хийх түлхүүр үгийг тодорхойл хэсэг дэхь зайнд зөв тэмдэглэгээ хийнэ. Буруу бол “х” тэмдэглэгээ бичнэ.
5	Дүгнэлт 3минут	Чингүүнд тохиолдсон асуудлын шийдлийг олж дүгнэлт хийнэ.
6	Гэрийн даалгавар 1минут	Цахим үйлчилгээ тухай мэдэж ирэх.	тэмдэглүүлнэ

Үзүүлэнэ. 1:

Түлхүүр үгээр оновчтой хайлт хийх

Хашилт {“ ”} Хайлт хийх түлхүүр үгсийг хашилтанд бичиж өгвөл хайлтын систем үгсийг өгсөн дарааллаар хайна. Тодорхой хэллэг, холбоо үгс, оноосон нэрийг хайхад тохиромжтой. Хасах тэмдэг {-} Хайж буй мэдээлэлд оруулахгүй байх үгийг хасах тэмдгийн араас бичиж хайна. Эсвэл {OR} Хайх түлхүүр үгсийн аль нэг нь орсон вэб хуудсыг хайна. Ба {AND} Хайх түлхүүр үгс бүгд орсон вэб хуудсыг хайна. Од {*} Өгсөн үгийн хувирсан хэлбэртэй үг бүхий хуудсуудыг хайна.

Дасгал1:

Хайлт хийх түлхүүр үгийг тодорхойл - \Туул гол\		Хайлтын үр дүнг тайлбарлан бич
	Хашилт {“ ”}
	Хасах тэмдэг {-}
	Эсвэл {OR}
	Ба {AND}
	Од {*}